Týndu Strákarnir er hlaðvarp í tengslum við Strax í dag, framleitt af Samson.is. Við setjum málin á borðið, tökum þau í gegn og fylgjum þeim eftir. Hér er greint á milli frásagnar og staðreynda og fókusinn er á það sem skiptir máli: hvað gerðist, af hverju og hvað þarf að breytast.
Við tölum hreina íslensku.
Týndu Strákarnir: Hlaðvarp um kerfið, veggina og afleiðingarnar
Í fyrsta þætti ræða Steindór Þórarinsson, einnig þekktur sem ADHD pabbi, og Jón K. Jacobsson aka Nonni Lobo, um hvað liggur að baki Týndu Strákunum, hvers vegna þeir fóru af stað með þetta verkefni og hvað þeir ætla sér að gera, bæði í hlaðvarpinu, á gólfinu og á bak við tjöldin.
Þeir fara yfir áherslur verkefnisins, hvers vegna þeir leggja svona mikla áherslu á skýr dæmi, samhengi og ábyrgð og hvernig þeir hyggjast fylgja málum eftir.
Upptökur og tæknileg framleiðsla eru unnar með Ásgeiri Páli, útvarpsmanni á K100, og þátturinn er tekinn upp í stúdíóinu Raddir.
Þátturinn er nú aðgengilegur á Spotify og mun á næstu dögum birtast á helstu streymisveitum.
Sagan á bakvið Nafnið
The Lost Boys er bandarísk kvikmynd frá 1987, leikstýrð af Joel Schumacher, um tvo bræður sem flytja til sjávarbæjarins Santa Carla og uppgötva að þar er vampírufaraldur í gangi.
Við tókum nafnið af ástæðu. Við vorum týndir strákar sem rötuðu til baka. En þegar maður er ekki á réttum stað í lífinu getur maður orðið vampíra á samfélagið og á fólkið næst sér. Þessi þáttur er til að minna á fókusinn, málefnið er aðalatriðið, ekki við.
Við erum rétt að byrja!
Hugleiðingar Okkar
Featured
