BEAR THE ANT bjó til lag úr Gulli

Þegar Davíð trommuleikari í m.a. Kaleo ásamt meðspilara sínum úr hljómsveitinni BEAR THE ANT bjó til trommusett úr bjórflöskum, dósum og tappasöng fyrir Gull

Lestrartími: 2 mínútur

Kaleo er á tónleikaferðalagi um Ameríku og fyllir sali af taktfastri orku og alþjóðlegri stemningu. Á meðan stóri sviðsdynurinn dundi úti í heimi tók Davíð Antonsson Crivello sér hlé frá öllu hinu hefðbundna. Hann var beðinn um að semja lag fyrir Ölgerðina og ákvað að nota ekkert nema það sem venjulega fer í endurvinnslutunnuna.

Flöskur, dósir, bjórkassar, tappahljóð og flöskublástur urðu að tónverkefni sem hljómar eins og tilraunatónlist en með leikgleðinni í forgrunni. Með Birni Óla, meðspilara sínum úr BEAR THE ANT, skapaði Davíð hljóðheim sem byggir alfarið á efni tengdu bjórnum Gull.

„Við byrjuðum aðeins að tromma og svo fórum við að því að gera eins mörg hljóð og okkur datt í hug úr flöskum, bjórkössum og dósum. Hérna erum við að kremja dós,“ útskýrir Davíð í myndbandi sem fylgir auglýsingunni.

Hljóðin eru hrá og óunnin. Kannski er það einmitt þess vegna sem þau hljóma svo líflega. Snerillinn samanstendur af glerskellum, tappakleppi og bjórkassabassa. Allt sem heyrist kemur úr Gulli. Ekki úr vökvanum heldur umbúðunum, blænum og stemningunni.

Það sem annars hefði getað orðið klisjukennt verkefni breyttist í skapandi áskorun. Í stað þess að búa til lag um bjór var tónlistin unnin úr því sem tilheyrir drykknum. Þetta er ekki hefðbundin auglýsing heldur sjónræn og hljóðræn rannsókn á efnivið sem flestir henda án þess að hugsa.

Að verkefninu komu einnig Erpur Eyvindarson og leikstjórinn Baldvin Vernharðsson. Útkoman hefur meira vægi en venjulegt markaðsefni. Hún nær til skynfæra en líka til tilfinningarinnar sem situr eftir þegar kaldur tónn úr flösku hljómar í hljóði dagsins.